smá montfærsla

Ein bara í montfærslunum núna.  Í morgun þegar ég var að klæða mig heyrði ég að litli prins var búin að opna fyrir bróðir sínum og var eitthvað að bardúsa.  Þegar ég kom fram var hann búin að taka til morgunmat fyrir þá bræður og lýsið fyrir sig.  Algjör dúlla.  Tilkynnti mér svo að Unglingurinn hefði sagt honum að hann vildi vanilluskyr en hann mætti fá bananaskyrið.  Bara krútt.  Þó mér finnist þetta æðislegt þá finnst mér það frekar sorglegt að hann þurfi að finnast hann knúin til þess að aðstoða bróðir sinn ef við erum ekki nógu fljót að redda hlutunum að hans mati.

Í dag er unglingurinn að fara með liðveislunni sinni á flakk og við ætlum að gera eitthvað skemmtilegt með litla prins.  Ætti nú að vera að læra undir krossapróf sem ég á að taka í vikunni.  Æ geri það bara í kvöld þegar gullin mín eru sofnuð.

Eigið þið góðan dag.

knús og kram.

Athugasemdir

[Lena pena, 17.2.2008 kl. 12:00]

Mér finnst þetta nú bara svo sætt...þvílíkir bræður :-) Krakkarnir mínir eru líka svona og hjálpa bróður sínum þegar hann þarf á að halda. Ég held að krakkar sem eiga langveikt systkini læri að bera svo mikla umhyggju fyrir öðrum.

[Bergdís Rósantsdóttir, 17.2.2008 kl. 19:43]

Já ég held að þetta sé rétt hjá þér.  Þeir sem alast upp með langveiku fólki er umhyggjusamara heldur en aðrir.  A.m.k. er það mín reynsla. 

[Kristín Katla Árnadóttir, 18.2.2008 kl. 14:05]

Æi hvað þetta er sætt.

[Ragnheiður , 18.2.2008 kl. 19:53]

Hann er yndislegur. Hann mun einmitt læra að vera umhyggjusamur við aðra. Mínir nutu þess heiðurs að læra á fötluð bekkjarsystkini á sínum tíma, þeir voru móttækilegir fyrir því og lærðu mikið af.

[Guðrún B. (IP-tala skráð) 18.2.2008 kl. 21:11]

Hann elst bara upp sem betri manneskja fyrir vikið. Ég get ekki séð neitt athugavert við þetta.

[Arnheiður Fanney Magnúsdóttir, 22.2.2008 kl. 22:52]

Gaman að sjá og heyra hvað þú átt flotta stráka...knús Fanney gamla grundfirðingur