breyting á nafni og smá fréttir.

Ég hef verið skömmuð í svolítinn tíma fyrir að kalla yngri son minn litla prins.  Fólki finnst það ekki alveg passa við hann þar sem hann verður 5 ára á þessu ári og er ekki mikið englabarn.  Héðan í frá verður hann kallaður gaurinn eða litli gaurinn.  Þá að færslu dagsins.

Í morgun eignaðist systir mín og maðurinn hennar lítinn prins (sem verður héðan í frá kallaður litli prins).  Hún átti á Selfossi svo stóra systir kemst ekki strax að líta á gullmolann.  Fékk senda mynd í símann og er búin að sitja hálf dolfallin yfir litla prinsinum.  Fór strax eftir vinnu í vinnuna til mömmu og pabba til að sýna þeim mynd af honum.  Allir auðvitað bráðnuðu yfir fegurð hans (ekki langt að sækja það til frænku , segi bara svona).  Síðan fór ég í Adams og ég gjörsamlega missti mig þar inni.  Þurfti að stoppa mig af en keypti samt smá af fötum á hann.  Í morgun þegar ég sagði gaurnum mínum frá því að hann myndi eignast litla frænku eða frænda í dag sagði hann við mig:  "Þetta er strákur" og stuttu seinna heyrðist "hann má heita alveg eins og ég".  Bara sætur.  Ég hlakka ekkert smá til að geta komist til litla prins og fá hann "live". 

Þangað til næst.  Knús og kram

Athugasemdir

[Ragnheiður , 3.2.2009 kl. 11:56]

Flottur dagur að fæðast á, skilaðu kærri kveðju og hamingjuóskum og til hamingju sjálf með flottan frænda !

[Bryndís R (IP-tala skráð) 3.2.2009 kl. 21:54]

Ehemm ekki litli prins takk fyrir

[Bergdís Rósantsdóttir, 3.2.2009 kl. 22:20]

Gerði þetta áður en þú baðst mig um þetta