Fallegur dagur.

Í dag kl 13:40 voru 16 ár síðan unglingurinn kom í heiminn.  Ótrúlegt hvað tíminn er fljótur að líða.  Þetta litla líf mitt átti ekkert nema glæsta framtíð fyrir höndum.  Tæpar 16 merkur og 55 cm.  Sterkur og duglegur ungur herramaður.  Einum sólahring síðar vorum við á leið suður á vökudeild þar sem hann var komin með hita og byrjaður að krampa.  Ég hef oft hugsað: hvað ef ég hefði átt í bænum, hvað ef........., en ég er hætt því núna.  Það sem ég hef lært af því að eignast gullið mitt er það að maður tekur því sem maður hefur en grætur ekki það sem hefði átt að vera.  Við getum ekki breytt fortíðinn en við getum unnið með framtíðina.  Það er verkefnið okkar núna. 

Við buðum foreldrum mínum í mat í gær til að halda upp á afmæli unglingsins ( hann er auðvitað orðin það gamall að hann vill ekki vera með veislur).  Buðum þeim upp á hangikjöt með öllu tilheyrandi, næstum því litlu jólin bara (nei segi bara svona).  Þetta var ekkert smá nice.  Við ákváðum að segja þeim frá því þá að við ætlum að bjóða þeim með okkur til Flórída þegar við förum vildarbarnaferðina með unglinginn.  Styrkurinn hljóðaði upp á að fjölskyldan færi saman ásamt einum hjálparmanni svo við ákváðum að bjóða þeim með.  Ég veit ekki hvert mamma ætlaði og eina sem heyrðist á tímabili var vá ég trúi þessu bara ekki.  Ég sagði þeim bara eins og er að þau eru búin að hjálpa okkur í gegnum mörg súr tímabil og okkur findist það bara ósköp eðlilegt að þau fengju að taka þátt í sætu tímabilunum hans líka.  Þetta verður bara æðislegt, sérstaklega af því að þetta er í fyrsta skipti sem foreldrar mínir fara saman til útlanda og eru þau búin að vera gift í 31 ár.

Já eins og þið sjáið þá erum við búin að ákveða að fara með unglinginn til Flórída.  Disneyworld here we come. hehe segi bara svona.  En auðvitað förum við í Disneyworld, seaworld og universal studios, er það ekki skylda þegar maður fer til flórída.  Mér hefur heyrst það.  Ætla að tala við þá sem sér um ferðirnar til að skipuleggja þetta betur.  Verður bara gaman að fara þetta.  Þó svo að við förum ekki fyrr en einhverntíman á næstu mánuðum þá er komin smá spenna í mig.   Fyrsta skiptið sem unglingurinn fer erlendis, fyrsta skiptið sem hann fer í flugvél og er ekki í lífshættu, fyrsta skiptið sem við öll fjögur förum erlendis, fyrsta skiptið sem foreldrar mínir fara saman erlendis, fyrsta skiptið mitt til Ameríku svo fátt eitt sé nefnt.

Þangað til næst.  Farið vel með ykkur

KNÚS OG KRAM.

Athugasemdir

[Ragnheiður , 5.11.2007 kl. 22:37]

Til hamingju með duglega og góða strákinn þinn Bergdís mín. Ég hef alla tíð litið upp til ykkar mæðginanna, þið eruð flottust.

[Kristín Katla Árnadóttir, 6.11.2007 kl. 09:43]

Til hamingju með elsku drenginn þinn mikið verður gaman fyrir ykkur öll að fara til Flóríta það er mikil upplifun fyrir hann og ykkur.

[Letilufsa, 6.11.2007 kl. 12:29]

Til hamingju með unglinginn. Þetta verður örugglega æðisleg ferð, eiginlega ekki annað í boði. Njótið ferðarinnar.

Ég held sko áfram að styrkja Vildarbörn ekki spurning...

[Bryndís R (IP-tala skráð) 6.11.2007 kl. 15:31]

Til hamingju Elli sprelli DJÓK. Til hamingju með afmælið krúttið mitt

[Signý Rós Þorsteinsdóttir (IP-tala skráð) 8.11.2007 kl. 09:58]

Hæ skvís og til hamingju með strákinn..

Ég sé nú mömmu þína alveg í anda þegar þið hafið sagt þeim frá ferðinni..

Þetta verður alveg geggjuð ferð hjá ykkur...

Kv Signý Rós..

[Sigrún (x-TR bumba) (IP-tala skráð) 9.11.2007 kl. 11:06]

Til lukku með unglingin!! Þetta verður snilldarferð hjá ykkur!

kv.

Sigrún

[Guðrún B. (IP-tala skráð) 10.11.2007 kl. 11:43]

Til hamingju með stóra strákinn þinn elsku Berdís mín.  Gott að vita að þú ætlir til Florida. Mér finnst það gott val hjá þér.  Og frábært af þér að bjóða foreldrum þínum með ykkur. Snilld. 

Knús á ykkur og góða skemmtun.