Litli prinsinn minn...

er algjör hrakfallabálkur.  Það kemur ekki sú vika að eitthvað komi fyrir hann.  Reyndar hafa þetta alltaf verið smáslys, kúla á haus eða marblettur.  En á fimmtudaginn var hringt í mig úr leikskólanum hans og ég beðin um að fara með hann upp á heilsugæslu þar sem hann hafði fengið tréplötu á stóru tánna og það blæddi undan nöglinni.  Ég fékk tíma strax upp á heilsugæslu, brunaði í leikskólann og náði í "stórslasaðan" dreng.  Við skoðun á heilsugæslunni kom í ljós að hann var sem betur fer ekki tábrotinn en hann var mikið marinn og blóð undir nöglinni.  Gert var gat á nöglina til að ná blóðinu undan henni og síðan var bundið um ef ske kynni að hann væri brotinn eftir allt saman.  Þessi áverki var síðan nýttur til þess að fá það sem hann vildi.  Mér er svo illt í tánni viltu halda á mér var eitt af því sem var notað til að byrja með.

Læt fylgja með mynd af "slösuðu" tánni.  Tek það fram að hann er orðin alheill núna. 

Hafið það gott í dag.

knús og kram

Athugasemdir

[Ragnheiður , 22.6.2008 kl. 21:38]

Æj litli klaufakallinn, svona var Himmi minn, alltaf á hausnum ...þessi elska

[Guðrún B. (IP-tala skráð) 24.6.2008 kl. 23:03]

Heheh.. krúttarapútt.

Já svona eru bara drengir.  Það er víst alveg á hreinu.  Ég veit það, ég á 3 stykki.

Knú og kremjur.

[Kristín Katla Árnadóttir, 29.6.2008 kl. 22:04]

Elsku hjartans strákurinn.

[Hafdís Lilja Pétursdóttir, 3.7.2008 kl. 21:27]

Innlit - eigðu góða daga.