Uppskeruhátíð

Í dag fórum við á uppskeruhátíðina á Reykjadal.  Þessi böll eru þau skemmtilegustu sem ég fer á.  Allir skemmta sér svo innilega og njóta sín í botn alveg sama hvaða fötlun þau eru með.  Unglingurinn var alveg í essinu sínu og dansaði frá sér allt vit.  Bara skemmtilegur.  Ég var bara þakklát að mamma og pabbi komu með því ég hefði ekki haft kraft til að dansa með honum allan tíman.  Reyndar komu fóstrurnar hans líka og dönsuðu með honum.  Þessir einstaklingar sem eru að vinna á Reykjadal eru alveg einstakir .  Unglingurinn elskar alveg að vera þarna og verður alltaf jafn glaður að hitta alla.  Mér finnst það alveg lýsa þessum stað.    Stuðið var alveg meirihátta í dag.  Hljómsveitin Spútnik spilaði og eiga þeir heiður skilið fyrir að vera svona æðislegir.

Þegar ballið var búið buðum við mömmu, pabba, Brósa og Pattalatta í mat.  Það var ekkert smá fínt.  Bauð þeim upp á fylltar grísalundir og kjúklingabringur, grillað grænmeti, macandcheese, kartöflur og jalapenóostasósu.  Þau nutu þess mjög.  Mér finnst svo gaman að elda og bjóða fólki í mat.  Nóg í bili.  Enda þessa færslu á frétt rúv af Reykjadalsballinu.  Farið vel með hvert annað.  Knús og kram

http://dagskra.ruv.is/streaming/sjonvarpid/?file=4398021/13

p.s. athugið hvort þið finnið Unglinginn minn í fréttinni og ef þið haldið að þið vitið hver það er setjið það í commenta kerfið.

knús og kram

Athugasemdir

[Ragnheiður , 17.8.2008 kl. 23:27]

Ég má ekkert svara , ég þekki hann í sjón síðan í gamla daga hehe. Mikið er gaman að sjá hvað þau skemmta sér innilega krakkarnir.

[Guðrún B. (IP-tala skráð) 18.8.2008 kl. 16:13]

Hehe  sá hann, hann er æði.  Alltaf sjálfum sér líkur, brosandi og skemmtilegur.  En hvaða hljómsveit var að spila ?

Knús og kram.  

[Bergdís Rósantsdóttir, 18.8.2008 kl. 21:58]

Þetta var hljómsveitin Spútnik.  Alveg rosalega skemmtilegir